Një 27-vjeçar ka rënë në prangat e policisë së Kukësit, pasi ka përndjekur një 21-vjeçare. Ka qenë kjo e fundit që e ka denoncuar Pajtim Kolgjinin, për dhunë fizike dhe psikologjike.
Në bazë të dëshmisë të së resë, shtetases me iniciale S.L, Kolgjini e ka detyruar të shkojë në automjet me të dhe më pas e ka dërguar tek banesa e tij, ku për pesë ditë e ka mbajtur në banesën e tij, duke i bërë presion, me qëllim që të martohen.
Njoftimi i policisë
Më datë 28.05.2017, specialistët e Seksionit për Hetimin e Krimit në Komisariatin e Policisë Kukës, arrestuan në flagrancë shtetasin:
-Pajtim Kolgjini, 27 vjeç, banues në Kukës.
Arrestimi i këtij shetasi u bë pasi, ka bërë kallëzim shtetasja S.L., 21 vjeçe, banuese në Dibër, se ky shtetas më datën 23.05.2017, ka ushtruar dhunë fizike dhe psikologjike, në mënyrë të vazhdueshme, duke e detyruar që të shkojë në automjetë me të dhe më pas e ka dërguar tek banesa e tij, ku ka pesë ditë që e ka mbajtur në banesën e tij, duke i bërë presion, me qëllim që të martohen.
Materialet i kaluan Prokurorisë Rrethit Gjyqësor Kukës, për veprën penale “Përndjekja” parashikuar nga neni 121/a i K.Penal.
